Қазақстандықтар жыныстық қатынасқа неше жастан түседі?
Қоғамдық пікірді зерттеу орталығы жүргізген зерттеуге сәйкес, 15-19 жастағы жастардың үштен бір бөлігі жыныстық қатынаспен айналысады.
Сауалнамаға қатысқан бір жарым мың жасөспірімнің жартысы екі немесе одан да көп адаммен жыныстық қатынасқа түскен.
“19 жастағылардың 57 %-і жыныстық өмір сүреді. Жастардың үштен бір бөлігі жыныстық жағынан белсенді. Жыныстық қатынасты бастайтын орташа жас мөлшері – 16 жарым. Біреу ерте, біреу кеш бастайды, бірақ орташа жас шамасы осы”, — деп хабарлады сарапшы брифингте.
Шәдбенова атап өткендей, жыныстық өмір тәжірибесі жастар арасында кең тараған, әсіресе қалада тұратын жігіттер жыныстық қатынастағы серігін жиі ауыстырады.
Сарапшының мәліметіне сүйенсек, 15-19 жас аралығындағы әр бесінші қазақстандық мүшеқап пайдаланбайды.
Қазақстанда 15-19 жас аралығындағы қыздардың 16,7 %-нің аяғы ауыр. Көбінесе сәбиін өмірге әкеледі. 16,7 %-і түсік жасатқан, 22 қыз түсік жасатқанын мойындады, сауалнамаға қатысқан қыздардың 2 %-і үй жағдайында түсік жасатқан.
Бұл зерттеу Қазақстанның денсаулық сақтау министрлігі және ЮНФПА тапсырысымен жүргізілді.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе