Қазгидромет «шуба» жарнамалағандарды жауапқа тартатынын ескертті

«Қазгидромет» РМК алдағы қыстың суық болатынын айтып, тон жарнамалағандарды жауапқа тартатындарын ескертті,деп мекеменің Instagram парақшасында жарияланды.

Бұл туралы Baq.kz хабарлайды.

«Құрметті пайдаланушылар! «Қазгидромет» РМК алдағы қыс суық болатыны жөнінде тараған ақпаратты жоққа шығарады. Ауа райы болжамы жөніндегі шынайы ақпараттармен www.kazhydromet.kz ресми сайтында танысуға болады. Сонымен қатар, біз ешқандай дүкендермен және ұйымдармен әріптестік орнатқан жоқпыз. Бұл – өтірік жарнама. Сақ болыңыздар! Жалған ақпарат таратқандар қылмыстық жауапкершілікке тартылуы мүмкін екенін ескертеміз. Сол себепті жарнама берушілерден мына жалған ақпаратты алып тастап, қолданушылардан кешірім сұрауды ұсынамыз. Ұсыныс орындалмаған жағдайда осы деректер ҚР ІІМ-ге жолданады.