Қазақтың Мессиіне енді Испания көз салуда
17 жыл бұрын Таразда туылған қазақ баласы, жас футболшы Еркебұлан Сейдахметті Ресей басылымдары «Қазақстандық Месси» деп атаған.
Футбол саласындағы селекционерлер бұл бала туралы аузынан суы құрып әңгіме айтады деседі.
Ресейлік футбол агенті Дмитрий Селюк Еркебұлан Сейдахметке Ресей азаматтығын беруді аттай қалап отыр, өйткені бұл жігітке ендігі испаниялық мамандар да азаматтық беру үшін жанталасып жүр екен, деп жазады Vesti.kz.
Бірақ бұл футболшы әзірге қазақстандық «Тараз» клубымен 1 жылдық келісімшарт жасақан.
Мамандардың айтуынша, Сейдахметтің дриблингі мен техникасы мықты. Ол жоғары жылдамдықта допты жақсы бақылайды, әрі қарсыласты алдап өтудің шебері. Соққысы да сұмдық, допты шиыра тебетін өнері бар. Қарсыласты допқа жолатпау үшін кеудесін де жақсы пайдалана алады.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе