Ақтөбе облысы Мұғалжар аудандық сотының алдында орналасқан орталық саябақта қазақтың атақты үш биіне арналған ескерткіш орнатылды.
Бұл туралы Ақтөбе облыстық сотының баспасөз қызметі хабарлады.
Ескерткішті Мұғалжар аудандық соты төрағасының міндетін атқарушы Ж.Сейтжапаров пен «Ардагерлер ұйымы» қоғамдық бірлестігінің өкілдері салтанатты түрде ашты.
“Шара барысында Мұғалжар аудандық сот төрағасының міндетін атқарушы Сейтжапаров жиынға қатысушыларды «Үш би» ескерткішінің ашылу салтанатымен құттықтап, XVII ғасырдың екінші жартысы мен XVIII ғасырдың бірінші жартысында Ұлы дала медиаторы атанып, аңызға айналған атақты үш би – Төле, Қазыбек, Әйтеке билер туралы сөз қозғады”, – делінген ресми xабарламада.