Түркияда қазақ скрипкашыларының алғашқыларының бірі Əлім Алмат қайтыс болды.
Қайғылы хабар туралы Түркия Республикасы Мимар Синан университетінің профессоры, Мемлекеттік сыйлықтың лауреаты Әбдіуақап Қара өзінің Facebook-тегі парақшасында жазды.
«Ыстанбұлда орны толмас қаза. Мұстафа Шоқайдың рухани ұлы Əлім Алмат кеше түнде 101 жаста Ыстамбұлда дүниеден озды. Жаназасы ертең бесін намазында Зінжірліқұйы мешітінде оқылмақ. Ағамыздың иманы жолдас, барған жері ұжмақ болғай. Жақын туыстарына, əсіресе ұлы Төре мен келіні жəне немерелерінің қайғыларына ортақтасып көңіл айтамын», – деп жазды профессор.