Қазақстандық боксшы Азиаданың финалына жекпе-жексіз өтті
Боксшы Әбілхан Аманқұл жартылай финалда жекпе-жек өткізген жоқ, бірақ Азия ойындарының финалына өтті, деп хабарлайды Ұлттық олимпиада комитеті.
Әбілханның қарсыласы үндістандық Кришан Викас жарақатына байланысты жекпе-жекке шығудан бас тартты. Осылайша Әбілхан Аманқұл тікелей финалдық бәсекеге жолдама алды. Оның финалдағы қарсыласы Өзбекстан мен Филиппин боксшыларының жекпе-жегінен кейін белгілі болады.
Ал 69 келіде сынға түскен Асланбек Шымбергенов жартылай финалдық жекпе-жекті таза жеңіспен аяқтады. Иорданиялық Зеяд Эшашпен кездескен біздің боксшымыз қарсыласқа еш мүмкіндік берген жоқ. Бес төреші де жеңісті Шымбергеновке берді.
Шымбергеновтің финалдағы қарсыласы — өзбекстандық Усмон Батыров.
Қазіргі уақытта отандық команда Азия ойындарында 60 медаль жеңіп алды, оның ішінде 11 алтын, 11 күміс және 38 қола медаль. Қазақстан әзірге 11-ші орында.
Серіктестер жаңалықтары
© «365 Info», 2014–2024 info@365info.kz, +7 (727) 350-61-36
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
Қате байқасаңыз, оны белгілеп Ctrl+Enter басыңыз