Қазақстанда жүргізуші куәлігін беруге қатысты бақылау күшейтілді
ҚР Ішкі істер министрлігінің шешімімен енді 25 аудандық тіркеу-емтихан тапсыру бөлімшесінде алғаш рет жүргізуші куәлігін алатын тұлғалардан емтихан қабылдау және куәлік беру жүргізілмейді.
Бұл туралы ҚР ІІМ Әкімшілік полициясы комитетінің Facebook-тағы парақшасында жариялады.
«Қазіргі таңда Арнайы Халыққа қызмет көрсету орталықтары жұмыс тәжірибесін сараптай келе, жемқорлыққа жол бермеу мақсатында 25 аудандық тіркеу-емтихан тапсыру бөлімшесінің жүргізуші куәлігін алғаш алып отырған жүргізушілерге емтихан қабылдау және куәлік беру құқығын тоқтату туралы шешім қабылдады.
Бұл бөлімшелер Арнайы ЦОН мен ішкі істер бөлімшелеріне тіркеу-емтихан бекеттеріне жақын маңда орналасқан. Ал жүргізуші куәлігі бар азаматтар бұрынғыша аталмыш бөлімшелерден куәлік телнұсқасын алуларына немесе ауыстыруға болады», – делінген ведомствоның хабарламасында.
Хабарламада аталып өткендей, жүргізуші куәлігін бірінші рет алатын азаматтар тек Арнайы Халыққа қызмет ету орталықтарынан, қалалық және ірі ауданаралық тіркеу-емтихан тапсыру бөлімшелерінен ала алады.
«Сонымен қатар, емтиханды арнайы комиссия қабылдайтын болады. Комиссия құрамына қоғамдастық өкілдері мен басқа да ІІБ қызметкерлері кіреді», – деп түсіндірді ведомствода.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе