Жезқазған қалалық уақытша тергеу мекемесіне қамалған Жұлдыз К. есімді әйелдің өзіне қол жұмсау ісі бойынша тергеу жұмыстары басталған. Оны 25 маусымда абақтыда асылған күйінде тапқан.
Жезқазған қалалық ішкі істер басқармасы уақытша тергеу мекемесінің қызметкерлеріне қатысты салғырттық танытты, өлімге әкелді деген факті бойынша іс қозғалған. Бұл жөнінде Қарағанды облыстық прокуратурасы хабарлайды.
Видеобақылау таспасында күдіктінің камерада еркін әрі-бері жүргені байқалған. Содан кейін туалетке барған. Есіктің тесігіне қарап, байқау камерасына түспейтін жерге отырып, алдын ала дайындап қойған арқанмен асылып қалған. Оны камералас әйел тауып алған. Ол тез арада қызметкерлерді шақырған. Бірақ оны құтқарып ала алмаған.
Өзіне қол жұмсап, көз жұмған әйел Михаил У. деген адамды өлтірді деген күдікпен қамауға алынған.