Қазақстанда шетелдік танымал тұлғалардың атынан жасалған дипфейктер таралуда

Жалған ақпаратқа қарсы іс-қимыл орталығы жаңа бейнеталдауында дипфейктерді анықтаудың негізгі белгілеріне тоқталып, әлеуметтік желілерде тараған ақпаратты бірнеше дереккөз арқылы тексерудің маңызын түсіндірді.

Мамандардың айтуынша, жасанды интеллект негізіндегі мұндай технологиялар ақпараттық манипуляция құралы ретінде жиі қолданылып келеді. Сондықтан әлеуметтік желі қолданушылары күмәнді бейнероликтерді бірден бөліспей, оның қайдан шыққанын және ақпаратты ресми дереккөздердің растаған-растамағанын тексергені жөн.