Қазақстанда несие алып, зират басын көтеретіндер бар

25 ақпан 2017, 18:00

564

Ендігінен бастап салтанатты мазарлар көтеруге шектеу қойылмақ. Қазақстан мұсылмандары діни басқармасы қабылдаған жаңа шарт бойынша мрамор тастан ескерткіш орнатудың қажеті жоқ, тек қайтыс болған адамды көмген жерді қоршап қойса болғаны.

Салтанатты мазар тұрғызу үшін кейбір ел азаматтары, тіпті қарызданып жатады.

“Өмірден өткен адамды соңғы сапарға шығарып салудағы аста-төктілікке біртендеп шектеулер енгізіліп жатыр. Қазақстанның кейбір өңірлерінде салтанатты мазар тұрғызу үшін несие де алып жатады”, – дейді “Алматы қалалық жөн-жоралғы қызметі арнайы куомбинаты” ЖШС-ның директоры Марат Исмаилов.

Комбинат басшысының айтуынша, Қазақстан парламенті таяуда адамды көму тәртібі туралы заң жобасымен таныспақ.

Өткен жылдың тамыз айында Өскеменде ақсақалдар жиыны болып, онда қаза тапқан адамды соңғы сапарға шығарып салудағы аста-төктік қатты сынға алыныпты.