Қазақстанда “электронды үй кітапшасы” құрылды
ІІМ, Әділет, Ақпарат және коммуникациялар министрліктері «Азаматтарға арналған үкімет» мемкорпорациясымен бірлесіп, қазан айынан бастап «электронды үй кітапшасын» қолданысқа енгізді, деп хабарлайды ҚазАқпарат.
Егер ұялы телефонның нөмірі Азаматтардың мобильді базасында тіркелсе, «электронды үкімет» порталының есептік жазбасына сұрау салу қажет. Сонымен бірге, «электронды үй кітапшасында» нақты жылжымайтын мүлік объектісінде тіркелген адамдар туралы мәлімет мекенжайды тіркеу кодының деректері болған жағдайда беріледі.
«Қазіргі уақытта ІІМ мекенжайды тіркеу кодын автоматты түрде енгізу бойынша жұмыстарды жүргізіп жатыр. Бүгінгі күні халықтың 50%-тен астамының мекенжай мәліметтеріне мекенжайды тіркеу коды енгізілді. Бұл жұмыс жыл соңына дейін аяқталады» делінген ІІМ баспасөз қызметі таратқан хабарламада.
Автоматтандырылған мекенжайды тіркеу кодын енгізу барысында сәйкессіздіктер немесе дұрыс емес мекенжай мәліметтері анықталған кезде азаматтарға мекенжай деректерін түзету үшін ХҚКО-ға жүгіну қажет.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе