Энергетика министрі Қанат Бозымбаев бензин бағасына қатысты кезекті рет екіұшты мәлімдеме жасады. Оның сөзінше. Қазақстан ОПЕК-ке мүше болмаса да, көппен бірге өндірісін қысқартқан, деп хабарлайды КТК.
Соның арқасында қазір әлемде мұнай бағасы салыстырмалы түрде жоғары, барреліне 62-63 долларда тұрақтапты. Алайда, Қазақстан қажет деп шешкен күнде халықаралық ұйымға өтініш білдіріп келісімді бұза алатын көрінеді. Министр қазақстандық мұнайшылар өнімін сыртқа аталған бағамен сатып, өз зауыттарымызға 20-30 доллардан беріп қып-қызыл шығынға батып жатыр дейді. Сондықтан, экспорттық бағалар өссе, іштегі баға да іле өзгеруі мүмкін. Бірақ өсімді елемей, Бозымбаевтың болжамы бойынша бензин бағасы төмендеуі тиіс.