Қазақстанда ауыл оқушыларына арналған республикалық олимпиаданың екінші кезеңі өтіп жатыр
8-10 қазан аралығында елімізде ауыл мектептерінің 9-11(12)-сынып оқушыларына арналған жалпы білім беретін пәндер бойынша Республикалық олимпиаданың аудандық кезеңі басталды.
Бұл білім сайысының негізгі мақсаты – ауылдық мектеп оқушыларына білім мен даму үшін тең мүмкіндік ұсыну, дарынды және қабілетті жастарды қолдау, олардың зияткерлік әлеуетін арттыру.
Бірінші кезеңнен сүрінбей өткен 62 мыңнан астам оқушы екінші кезеңде бақ сынауда. Ал бастапқы кезеңге барлығы 125 мыңнан астам оқушы тіркелген болатын. Олимпиада 13 пән бойынша өтеді: алтауы — жаратылыстану-математикалық, жетеуі — қоғамдық-гуманитарлық бағыттағы пәндер.
Сайыс барысында санитариялық талаптардың сақталуына және оқушыларға қолайлы жағдай жасалуына ерекше мән беріліп отыр. Аудандық кезеңнің жеңімпаздары қараша-желтоқсан айларында өтетін облыстық кезеңге жолдама алады. Бұл кезең дәстүрлі форматта, екі тур бойынша өткізіледі. Әр өңірден 780 оқушы қатысады деп жоспарланған.
Серіктестер жаңалықтары
© «365 Info», 2014–2025 [email protected], +7 (727) 350-61-36
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
Қате байқасаңыз, оны белгілеп Ctrl+Enter басыңыз