Биыл Қазақстанда 12 мың адам екпе қабылдаудан бас тартты. Бұл туралы Алматыда өткен «Верить и жить» әлеуметтік медициналық форум барысында медицина мамандары мәлімдеді, деп хабарлайды ҚазАқпарат тілшісі.
Мамандардың айтуынша, биыл Қазақстанда екпеден бас тартқандардың саны 30 пайызға артты. «Бас тартқандардың көпшілігі 2 жасқа толмаған балалардың ата-аналары болып отыр. Яғни, 70 пайызы балаларға қатысты болып отыр. 40 пайыз адамдар діни көзқарастарына байланысты бас тартты. Бір айта кетерлігі, дәстүрлі дін емес радикалды ағымдағы бауырларымыз осы қадамға барып отыр.
«Қазір бізде бірақ ұлттық күнтізбе бойынша тек 21 ауруға қарсы қорғаныс бар. Біздің күнтізбе әлемдегі озық үлгі болса да бізде ротовирусқа, желшешекке, адамның папиллома вирусына қарсы екпе жоқ», – деді Әзімбаева.