Қазақстан – Орталық Азияда өмір сапасы бойынша алда келеді
CEOWORLD журналының Human Progress Index рейтингі бойынша Қазақстан Орталық Азия елдері ішінде өмір сүру сапасы жөнінен көш бастады. Бұл рейтингте халықтың өмір сүру ұзақтығы мен сапасы, білім деңгейі, саяси тұрақтылық, жан басына шаққандағы табыс және түрлі мүмкіндіктерге қолжетімділік секілді маңызды көрсеткіштер есепке алынған.
2024 жылғы есепте әлем бойынша Швейцария бірінші орынды иеленсе, Норвегия мен Исландия екінші және үшінші орындарға жайғасты. Сонымен қатар үздік ондыққа Гонконг, Дания, Германия, Ирландия, Сингапур және Аустралия кірді.
Қазақстан жаһандық рейтингте 70-орыннан көрініп, Орталық Азияда үздік деп танылды. Өзге аймақ елдері: Түрікменстан – 96, Өзбекстан – 108, Қырғызстан – 119, Тәжікстан – 128-орында.
Рейтингте барлығы 196 ел бағаланған. Сарапшылар елдерді тұрақтылық, азаматтардың қанағаттануы және тепе-теңдік секілді үш негізгі бағыт бойынша 100 балдық жүйемен саралаған. CEOWORLD – экономика, білім, технология және өмір сапасы салаларына арналған халықаралық аналитикалық басылым.
Серіктестер жаңалықтары
© «365 Info», 2014–2025 [email protected], +7 (727) 350-61-36
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
Қате байқасаңыз, оны белгілеп Ctrl+Enter басыңыз