Қазақстан мен Ресей мұнай жеткізу туралы келісімге өзгерту енгізді
Қазақстан және Ресей Үкіметтері энергетика саласындағы келісімдерге өзгерістер енгізді, деп хабарлайды Қазақстан Республикасы Энергетика министрлігінің баспасөз қызметі.
Кеше, 3-қазанда Мәскеуде «Ресей энергетикалық апталығы – 2018» Халықаралық форумының шеңберінде Қазақстан Республикасының Энергетика министрі Қанат Бозымбаев пен Ресей Федерациясының Энергетика министрі Александар Новак 2010 жылғы 9-желтоқсандағы Қазақстан Республикасының және Ресей Федерациясының Үкіметтері арасындағы Қазақстанға мұнай және мұнай өнімдерін жеткізу саласындағы сауда-экономикалық ынтымақтастық туралы келісімге өзгерістер енгізу туралы үкіметаралық Хаттамаға (бұдан әрі –Хаттама) қол қойды.
Осылайша, Қазақстан жанар-жағармайдың ішкі нарығындағы балансына байланысты мұнай өнімдерінің кейбір түрлерінің экспортын және импортын ашу/жабу бойынша шешімдерді жылдам қабылдай алады.
Қазіргі таңда Қазақстанда ашық түсті мұнай өнімдерін тасымалдауға тыйым салынған. Қол қойылған Хаттама Қазақстандағы жаңғыртылған мұнай өңдеу зауыттарында шығарылған ашық түсті мұнай өнімдерін экспорттауға мүмкіндік береді.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе