Қазақстан қытайлық сайтта жарияланған мақалаға дипломатиялық наразылық білдірді

14 сәуiр 2020, 15:47

243

Кездесу барысында қазақстандық тарап www.sohu.com атты қытайлық сайттағы «Қазақстан неліктен Қытайға оралуға тырысуда» деген мақалаға қатысты наразылық білдірді. Бұл туралы ведомстваның сыртқы саяси баспасөз қызметі хабарлады.

«Қытай Елшісіне мұндай сипаттағы мақаланың жариялануы 2019 жылғы 11 қыркүйекте Мемлекет басшылары қол қойған Қазақстан Республикасы мен Қытай Халық Республикасының бірлескен мәлімдемесінде айқындалған мәңгілік жан-жақты стратегиялық әріптестік рухына сәйкес келмейтіндігі атап өтілді. Тараптар ақпарат тарату және БАҚ саласында тығыз өзара ықпалдасуға келісті», – делінген ҚР СІМ ақпаратында.

Сондай-ақ мәлім болғандай, Қазақстанның Бейжіңдегі Елшілігі ҚХР Сыртқы істер министрлігіне тиісті нота жолдады.