Қазақстан Қытайға бидайдың алғашқы партиясын жөнелтті

Қытайға 1,7 мың тонна астық тиелген Қазақстанның алғашқы контейнерлік пойызы жөнелтілді.

Бұл туралы “ҚТЖ – Жүк тасымалдары” баспасөз қызметі хабарлады.

Пойыз 8 желтоқсан күні Атбасардан Сианьға қарай жолға шыққан. Оның құрамында 82 контейнер бар.

Баспасөз қызметінің хабарлауынша, темір жол құрамы қазақ-қытай шекарасындағы Достық станциясына жөнелтілгеннен кейін межеленген жеріне 36 сағатта жетеді.