Несиені қайтару мерзімі 20 жылдан аспауы тиіс екен.
Мәжіліске Бақытжан Сағынтаев қол қойған „Қазақстан мен Қытай үкіметтері арасындағы Қытай ұсынған жеңілдетілген несиесі туралы жапсарлас келісімді раификациялау жөніндегі„ заң жобасын қарау ұсынылған.
Бұл келісімге сәйкес, Қытайдың Экспорт-импорт банкі 2,062 млрд юань көлемінде Қазақстанға жеңілдетілген несие береді (шамамен 108,7 млрд теңге немесе 297,1 млн доллар). Бұл несиені Қаржы министрлігі алады. Министрлік бұл ақшаны Еуразиялық экономикалық одақтың Қазақстан аумағында орналасқан кедендік шекараларын, өткізу пункттерін техникалық жағынан қамсыздандыру және жаңарту үшін пайдаланады.
Несие 20 жылға арналғанмен оның жеңілдіктері 5 жылға жарамды екен. Несиенің жылдық сыйақы мөлшерлемесі – 2 процент.