Қазақстан Қытайдан $300 млн қарыз алмақшы
Мәжіліс ҚХР-дан шамамен 2 млрд юань қарыз алуды мақұлдады, долларға шаққанда шамамен $300 млн.
Қарыз жеңілдетілген шарттар бойынша беріледі. Қаражат шекарадағы өткізу пунктерін жаңғыртуға бағытталады, деп хабарлайды Sputnik Қазақстан.
“Өткізу пунктері құлағалы тұрған жоқ. Қазір біздің кедендік өткізу пункттері тәулігіне 450 көлік қана өткізуге қабілетті. Біз осы қабілеттілікті 5400 автокөлікке дейін жеткізуді жоспарлап отырмыз. Бұл дегеніміз бюджетке қосымша салық, екіншіден, Қазақстанның транзиттік хаб ретінде әлеуетін ұлғайтады”, – деді Смайылов мәжіліс кулуарында.
Министр Қытай алдында бұдан бөлек мемлекеттік қарыз жоқ екенін атап өтті. Тек қаржы министрлігінің берілген кепілдіктері бар.
“Мемлекет тарапынан Қытайдан кредит алынған жоқ. Бірақ қаржы министрлігі берген кепілдіктер бар, яғни миллиард 200 миллион доллар шамасында. Бұл Қытайдың Эксимбанкінен және Қытайдың мемлекеттік даму банкінен автожол жобаларын іске асыруға тартылған кредиттермен байланысты”, – деді ол.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе