Қазақстан қысқы Универсиаданы өткізу үшін 109 млрд теңге жұмсаған – блогер
Қазақстан қысқы Универсиаданы өткізуге 109 млрд теңге жұмсады.
Бұл туралы „Астана„ телеарнасындағы «Экономика на пальцах» бағдарламасының жүргізушісі, блогер Алекс мәлім етті.
– Билік Универсиадаға жұмсалған қаржыны жасырып әлек. Оған мен қатты таң қалдым. Бірақ оны есептеудің еш қиындығы жоқ. Мысалы, «Алматы Арена» құрылысына 40 млрд теңге, ал «Халық-Аренаға» 21,7 млрд теңге, Спортшылар ауылына – 19,8 млрд теңге жұмсалған. Оған бұл нысандарды жылумен және электрмен қамту жұмысына кеткен 14,4 млрд пен 8 млрд теңгені қосыңыз. Оның сыртында кәріз су тазалыған кеткен – 4,5 млрд, тағы 600 млн су құбыры мен кәріз желісіне жұмсалған шығын бар. Оған қосымша шығын 100 млн теңгені тағы қосыңыз. Сонда 109 млрд теңге шыға келеді„ – дейді ол.
„Универсиада кезінде Алматыға 5 мың қонақ келеді деп күтілген. Онда да бір шетелдіктің бір күндік шығыны 245 долларды қамтиды делік. Қонақ Алматыда орташа есеппен 5 күн болады. Бүгінгі күннің курсымен есептеп жіберсек, 2 млрд теңге шыға келеді. 109 млрд – шығын, 2 млрд – пайда. Сұмдық тиімсіз ғой!„.
Дегенмен бір қаржыгер менің көңілімді көтеріп тастады дейді ол. Оның айтуынша, 109 млрд теңге шығын емес, тек жұмсалған ақша.
– Ол ақша қандай да бір шетелге ағылып кеткен жоқ. 109 млрд теңгеге Алматыда нысандар тұрғызылды, 30 мыңнан аса адам соның арқасында жұмыспен қамтылып, жалақы алды. Әрине, бұл ақша жұмсаудың ең тиімсіз тәсілі. Онда бұл ақшаны қайда жұмсау керек еді? Қандай да бір индустриальдық бағдарламаларға ма? Ел естіп-білмеген жобаларға ма? Оның жанында бұл жақсы ғой. Ең құрымағанда, балаларымыздың спортпен шұғылданатын жерлері бар дегендей„, – дейді ол.
Расымен де бұл сөздің жаны бар, иә…
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе