Қазақстан банктерін тонаған хаккерлердің басшысы Испанияда ұсталды
Қазақстан және бірқатар мемлекеттің банк жүйесіне шабуыл жасаған хакерлер тобының көшбасшысы Аликант қаласында қамауға алынды.
Бұл Испаниядағы қаланың бірі деп хабарлады Europol.
Алдын ала келтірілген есепке сүйенсек, киберқылмыскерлер Carbanak және Cobalt вирустары арқылы әлемнің 40-тан аса мемлекетінен 1 млрд доллар ұрлаған. Одан бөлек олар шамамен 120 млн евро тұратын 15 мың биткоин жинаған.
“Шығын көлемі орасан. Тек Cobalt вирусын жіберу арқылы қылмыскерлер әр тұлғадан 10 млн евро ұрлаған”, – делінеді шетелдік басылымда.
ресми компаниялар атынан жолданған құсаған фишинг хаттар арқылы қаскөйлер Ресей, Қазақстан, Беларусь, Әзербайджан, Украина, Тайван және басқа елдердің банк жүйелерінің компьютерлік желісіне вирус кіргізіп, істен шығарған. Соның арқасында олар банктерден есеп-шоттағы ақшaны сыпырып, ақша аударымын жасай алған.
Кейбір болжамдар бойынша, киберқылмыскерлер әлемдік қаржы институттарына мұндай шабуылды 2013 жылдан бастап кеткен көрінеді.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе