«Қазақ Мессиі» ресейлік клуб сапындағы алғашқы ойында гол соқты
17 жастағы қазақстандық шабуылшы Еркебұлан Сейдахмет «Уфа» командасының құрамында өнер көрсетіп, бірінші матчта гол салды, деп хабарлайды Vesti.kz.
Ойын Кипрдегі оқу-жаттығу жиындарында өтті.
Еркебұлан Сейдахмет Кипрдің «Алка» командасымен жолдастық кездесуде гол соқты. Ол бірінші таймның соңында қарсыластың қақпасына доп салып, есепті 3:0-ге жеткізді.
Қазақстандық футболшы Ресей премьер-лигасындағы клубта ойнаған алғашқы матчында алаңға оныншы нөмірмен шықты.
Еске сала кетсек, 2018 жылдың 14 қаңтарында 17 жастағы қазақстандық футболшы Еркебұлан Сейдахмет Ресейдің «Уфа» командасындағы жаттығуын бастаған. Ресейлік футболшылар талантты жас ойыншының ойнау мәнеріне тәнті болса керек, оған «Лео» деген есім берген.
Еркебұлан Сейдахмет 2000 жылы 23 ақпанда Тараз қаласында дүниеге келген. «Тараз» футбол мектебінің түлегі.
baq.kz
Серіктестер жаңалықтары
© «365 Info», 2014–2024 info@365info.kz, +7 (727) 350-61-36
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
Қате байқасаңыз, оны белгілеп Ctrl+Enter басыңыз