Ресейлік әнші Юлия Самойлова Лиссабонда өткен “Евровидения – 2018” ән байқауының финалына өтпей қалды. Екінші жартылай финалда бақ сынаған 18 конкурсанттың ішінен 10 үздік финалға жолдама алды.
Бұған дейін РФ әншілері бұл байқаудың қорытынды кезеңіне мүдірмей өтіп келген. Мұндай жеңіліс бірінші рет екен. Юлия Самойлова жартылай финалда I Won’t Break әнін орындады.
Алтыншы боп сахнаға шықса да ол өз қобалжуын баса алмай, әннің сөзі аузына түспей әбден абыраған. Веб-бокалистер мұны білдірмеуге тырысқанмен, бәрібір жақыннан түсіретін камера әншінің бұл олқылығын түсіріп үлгерген.
Кеудесін өкініш кернеген ресейлік әнші сахнадан шыға бере жылап та жіберіпті.
8-мамырда бірінші жартылай қортыныдлаушы кезеңде Австрия, Эстония, Кипр, Литвия, Израил, Чехия, Болгария, Албания, Ирландия және Финляндия өкілдері жеңімпаз атанған.
10-мамырда ары қарайғы кезеңге Украина, Сербия, Молдова, Венгрия, Швеция, Австралия, Норвегия, Дания, Словения және Нидерланды әншілері өткен болатын.
“Евровидения-2018” ән байқауының үздік жеңімпазы 12-мамырда анықталатын болады.
Айта кетелік, Қазақстан бұл халықаралық ән байқауына ешқашан қатысқан емес.