Нұр-Сұлтан
Қазір
13
Ертең
16
USD
427
0.00
EUR
515
0.00
RUB
5.72
0.00

“Қатты қорықтық…”. Украина телешоуының ІІ-кезеңіне өткен Данэлия өз ойымен бөлісті (видео)

200

Өзі кішкентай болса да, дауысы талайды тамсандырған алматылық жас талант Данэлияны қазір көрермен қауым жақсы таниды. Бір ай ішінде оның украиналық телешоуда айтқан әнін ютубтан 6 млн-ға жуық адам тамашалап, оның 9 мыңы пікір жазып үлгерген. Тал шыбықтай нәзік, сүйкімді әрі ерке мінезді кішкентай қыздың жан дүниесі сондай таза, адамды бірден баурап алатын тамаша қасиеті бар екен. Сұхбат алып отырып, жас қыздың сұрағыма салмақты жауап қатқаны сүйсінтті.

Данэлия Төлешова, «Голос. Дiти» талант-шоуының қатысушысы:

– Арманым қолға алған кез келген ісімнің маманы, сол істің шебері болғым келеді. Ән салғанда да солай, ән сөздерін жүрегіммен айтамын, жанымды саламын, тыңдап отырған көрермен мен сияқты сол әнге ғашық болуы тиіс.

Данэлия діттеген мақсатына осы жолы да жеткен сияқты. «Голос. Дiти» телешоуының талғамы биік төбе билері 3 әнші қыздың арасынан Данэлияны тағы да жеңімпаз деп жариялады.

Данэлия Төлешова, украиналық «Голос. Дiти» шоуының қатысушысы:

– Бірігіп ән салатын үш әншіні таңдағанда қатты қобалжыдым. Қарсылас қыздарымның осал емес екенін жақсы білемін. Әрі Монатик өз командасына ең мықты әншілерді жинайтыны белгілі.

Қарсылас қыздарымның жасы үлкен, дауыстары зор.

Кейіннен жақсы дос болып араласып кеттік, олар мені сыйлап, өздеріне жақын тартты, біз ұсынған нөмір жақсы шыққан сияқты.

Наталья Чуракова, ұстазы:

– Екі қарсылас қыз украиналық, әрі Монатиктің өзі Украина азаматы, сондықтан бізде үлкен қорқыныштың болғаны рас.

Данэлияға бұл жолы жеңіске ұмтылу, намысты қолдан бермеу сияқты қасиеттері көмектескен сияқты. Біз украиналық мамандардың Данэлияны жеңімпаз етіп таңдағанына ризамыз.

https://kaz.365info.kz/daneli-goj-aty-sheteldik-bajkhauda-khazylardy-tanti-etken-danielya-khazakh-eken-288823

«Елдің дәні» – Данэлияның есімінің мағынасы осындай. Елдің сүйікті қызына кешегі шоу кезінде украиналық әншілер «Құдайдың өзі қолдаған қыз» деп баға берді. «Күннен-күнге көбейіп жатқан желідегі қолдаушыларыма, жаңа достарыма, атам мен анама әрі Димаш Құдайбергенов сияқты өнердегі ағаларыма ризамын», – дейді кішкентай қыз. Кішкентай қыздың армандары асқақ. Ол «елімнің абыройын асқақтатып, атын әлемге танытсам», – дейді.

 

https://www.youtube.com/watch?v=r25Em08gQAo

Серіктестер жаңалықтары
Көп қаралған
© «365 Info», 2014–2021 info@365info.kz, +7 (727) 350-61-36
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
Қате байқасаңыз, оны белгілеп Ctrl+Enter басыңыз