Қарағанды тұрғыны қақаған аязды пайдаланып ақша табуды көздеген сыңайлы. Ол өзінің дүкеніне кіріп жылынғаны үшін тұрғындардан 50 теңге сұраған. Тіпті онысын хабарландыру ретінде дүкен есігіне жапсырып қойыпты, деп хабарлайды Stan.kz.
Хабарландырудың суреті Instagram желісіндегі shock_krg парақшасында жарияланды.
Tengrinews.kz хабарлауынша, хабарландыру авторы мұндай әрекетке ақша табу үшін бармаған. Тек адамдардың дүкенге жылыну үшін кіргенін қаламаған екен.
«Адамдар үнемі кіріп-шығады. Ал мен суықта отырамын. Әрине, адамдардан жылынғаны үшін ақша сұрамаймын. Тек қорқытқаным», – дейді хабарландыру авторы.