Қарағандыда жеті күн бойы ес-түссіз жатқан екі жасар сәби есін жиды.
Бұл туралы ҚазАқпарат хабарлайды. Бала өзіне салынған екпеден кейін комаға түскен еді.
“Ол көзін ашты, аздаған оң өзгерістер байқалуда. Алайда әлі де болса балалар клиникалық ауруханасының жансақтау бөлімінде жатады”, – деп хабарлады облыстық денсаулық сақтау басқармасының баспасөз хатшысы Айжан Иса.
Еске салсақ, бала клиникалық өлім жағдайында 3 қыркүйек күні ауруханаға жеткізілген. Оған анасы сатып алған Цеф-3 екпесі үй жағдайында салынған.