Қарағанды облысында бір тәулікте жол ережесін бұзған 700-ге жуық жүргізуші ұсталды. Оның 11-і көлікті мас күйінде басқарған, деп хабарлайды 24.kz.
Сондай-ақ жауапқа тартылғандардың басым бөлігі бағдаршамның қызыл түсіне тоқтамаған. Ал 100-ге жуық адам қауіпсіздік белбеуін тақпағаны үшін әкімшілік жауапкершілікке тартылды. Көлікке балаларды арнайы орындықсыз отырғызғандарға хаттама толтырылды.
Олжас Арынов, облыстық ІІД жергілікті полиция қызметі басшысының орынбасары:
– Осы жолғы өткізілген «Қауіпсіз жол» акциясы барысында осыған дейін мас күйінде көлікті жүргізген Приозерск қаласының тұрғыны тағы бір мәрте ұсталды. Жүргізуші куәлігінен үш жылға айырылған ол көлікті мас күйінде басқарып келе жатқан жерінен тоқтатылды. ҚР Қылмыстық Кодексінің 346-бабы бойынша қылмыстық іс қозғалып, жауапқа тартылды.