Қарағанды тұрғындары қала әкімі Нұрлан Әубәкіровті автобустан көріп қалды. Аймақ басшысы 28 қыркүйек күні таңертеңгісін 118 бағыттағы автобусқа отырған.
Бұл туралы Stan.kz ақпараттық агенттігі E-karaganda басылымына сілтеме жасап хабарлайды.
Әкіммен бірге бір автобусқа отырған жолаушылар оны видеоға түсіріп, желіде жариялаған.
Әкімдіктегілер Нұрлан Әубәкіровтің таңғы сағат 8-де “Сортировка” ықшам ауданынан автобусқа отырғанын айтты. Арада жарты сағат өткен соң әкім ең соңғы аялдамадан түскен.
Жергілікті БАҚ өкілдерінің хабарлауынша, 1 қазаннан бастап аталған маршрут бойынша автобустардың бағыты өзгереді.