Тәжік эстрадасының жұлдыздары – Шабнами Сурайё, Фарзонаи Хуршед, Манижа Давлат, Садриддини Наҷмиддин және басқа да әншілер бірнеше жылға созылған тыйымнан соң мемлекеттік телеарна эфирінен қайта көріне бастады. Енді олар үкіметтің ресми шараларына да қатысады.
Тәжікстан мәдениет министрлігі мен Телевидение және радиотаралым жөніндегі мемлекеттік комитетінің шенеуніктері әншілермен кездесіп, олардан телеарналарда көрсететін клиптерін тапсыруын сұраған. Танымал тәжік сазгері Фарход Зикировтың айтуынша, шенеуніктер бұл жүздесуде эстрада жұлдыздарынан жинақы киініп, репертуарларын жаңартуын сұраған.
Тәжік телеарнасының бір қызметкерінің хабарлауынша, эстрада жұлдыздарына мемлекеттік музыкалық ұжымдарда жұмыс ұсынылған.
Соңғы жылдары көптеген танымал әншілер мен сазгерлер мемлекеттік телеарналарға шыға аламай қалды. Кейбір мәліметтер бойынша, оларды телевизиялық шенеуніктер “қара тізімге” кіргізіп қойған.