Қанат Исламға «Канелоның» экс-қарсыласымен кездесу ұсынылды
Қазақстандық боксшы Қанат Исламға (25-0, 20 КО) WBO тұжырымы бойынша бірінші орта салмақтағы әлем чемпионы атағы үшін таласып көруге ұсынылды, деп хабарлайды ҚазАқпарат Sports.kz сайтына сілтеме жасап.
Оның ықтимал қарсыласы ретінде британдық Лиам Смит (26-1-1, 14 КО) аталды. Смит Сауль Альварестің бұрынғы оппоненті (49-1-2, 34 КО).
Айта кетейік, Смит қазір WBO-ның «уақытша белдігіне» ие: белдік толыққанды Мигель Коттоға (41-5, 33 КО) тиесілі. Котто 2-желтоқсан күні оны Садам Алимен (25-1, 14 КО) болатын айқаста қорғап қалуға тырысатын болады.
«WBO Қанат Ислам мен Лиам Смиттің жекпе-жегін санкцияласын. Әлем чемпионы белдігі Котто Алиді жеңгеннен кейін бос болады», – деп жазады EspaBox.com журналисі Джулиус Джулианис.
Еске салайық, Котто Алимен өтетін кездесуден кейін кәсіби мансабын аяқтауды жоспарлауда. Жекпе-жек 2-желтоқсан күні Нью-Йоркте өтеді.
Серіктестер жаңалықтары
© «365 Info», 2014–2024 info@365info.kz, +7 (727) 350-61-36
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
Қате байқасаңыз, оны белгілеп Ctrl+Enter басыңыз