Қалыңдығы студент екен. Асхат Тарғынның бақыттан басы айналып жүр (фото)
Әнші Асхат Тарғын өз теңін тауып, шаңырақ көтерді. Оның қалыңдығы Әлия есімді 23 жастағы бойжеткен.
Қазақстанның барлық қаласын аралап жүріп тапқан қалыңдыңдығы жайлы Асхаттың өзі Stan.kz сайтына айтып, суретін көрсетіпті.
– Асхат болашақ жарыңызбен қалай және қайда таныстыңыздар?
– Мен Әлиямен тойда таныстым. Таныс жігіттің туысының тойына барғанбыз. Әрине, мен ән айтуға шақыртылған едім. Әлия сонда қонаққа келіпті. Содан сол жерде таныстық. Сол таныстығымыз достыққа, достықтан махаббатқа ұласты.
– Қалыңдығыңыз өнер адамы ма?
– Жоқ, оның мамандығы мүлде бөлек. Қазірше жұмыс істемейді. Жоғарғы оқу орнын былтыр ғана бітірген. Алдағы уақытта жұмыс істеймін деп жатса еш қарсылығым жоқ.
– Әлия қай қаланың қызы?
– Әлия Алматы облысының тумасы. Қазіргі күні ата-анасымен осы Алматы қаласында тұрады. Негізі, аталары Ақтөбе облысының адамдары. Жарты ғасыр бұрын оңтүстікке көшіп кеткен.
– Той қай күні және қай қалада болады?
– Тойды осы Алматыда жасайтын болдық. 12 сәуір күні болады.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе