“Қаламы қару боп шықты”. Алаяқ кәсіпкер сақтықтың жаңа түріне жүгінген
Алаяқтық әрекеттері үшін тергеуге алынған Брест қаласында тұратын бизнесменнен қару-қалам тәркіленді.
Бұл туралы БЕЛТА агенттігіне сілтеме жасап, ҚазАқпарат хабарлады. Тәртіп сақшылары оның үйінен сырт келбеті кәдімгі авто қаламға ұқсайтын, бірақ атыс қаруы ретінде қолдан құралған конструкцияны тапты.
«Баллистикалық сараптама көрсеткендей, аталмыш құрылғы зауыттағы аспаптардың көмегімен жасалып, 5,6 миллиметрлік шеңберлік жану оқтарымен атылатыны белгілі болды. Шағын қару бір рет оқталатын, тегіс ұңғылы отқару ретінде тәркіленді», деп хабарлайды баллистикалық сараптама мамандары.
Тергеу нәтижесі көрсеткендей, Брест тұрғыны 2013-2015 жылдар аралығында таныстарын алдап 40 мың доллар және Br317 млн (номиналданбаған) ақшасын алып кеткен. 2015 жылы ол жергілікті құқық қорғау орындарына “Бентли Континенталь” көлігін белгісіз біреу бүлдіріп кетті деп шағым түсірген. Артынан анықталғандай, өз көлігін өзі бүлдірген алаяқ “Белгосстрах” сақтандыру компаниясынан Br492 млн (номиналданбаған) өндіріп алған.
Қылмыскердің үстінен «алаяқтық» бабы бойынша қылмыстық іс қозғалды.
Серіктестер жаңалықтары
© «365 Info», 2014–2024 info@365info.kz, +7 (727) 350-61-36
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
Қате байқасаңыз, оны белгілеп Ctrl+Enter басыңыз