Нұр-Сұлтан
Қазір
2
Ертең
1
USD
450
-0.49
EUR
487
-1.57
RUB
4.86
0.00

“Қалай дәтің барды!”. ШҚО тұрғыны әйелін бірнеше көңілдесімен ұстап алды

134

«Туған әпкем айтты “аты шыққан қызды қайтесің? Оны құда балаң үйге әкеліп жүргенін өз көзіммен көрдім” деп. Мен “Отбасын құрғаннан кейін ортада бала болады. Ал, ана махаббаты соған ауады ғой. Жас күнінде кім қателеспейді? Сондықтан жүрісін қоятын шығар” дегенмін. Алайда, оңбай от бастым», – дейді ол.

Әулет үшін де келіндері келісапқа айналған. Ата-енесін құрмет тұтпай, бетінен алғаны былай тұрсын, келіншек жас күніндегі үйреншікті ойнағын өзгемен жалғастыра береді. Қызмет барысымен айлап үйден кететін отағасы әйелін талай мәрте өзгемен қолға түсірген.

«Мен екі жерде жұмыс істедім. Ақшадан таршылық көрмеді. Айына 100 мыңның үстінде кіріс келіп тұрды. Басында біреу қоңырау шалса күдіктенбейтінмін. Сұрасам туысым дейді. Оны қазбаламаймын. Бір күні қолыма ұялы телефоны түсіп қалды. “Друг Вокругтегі” парақшасын ашып қарасам, ондағы хабарламаларды айтудың өзі ұят. Айтсам, «шатағың болмасын, мен өзім білемін. Біліп тұрып алдың» деді. Қол көтермедім. Хабарламаларды көшірдім де, ағаларына бердім. Басында олар маған сенбейтін. Қанша айтқанымен қарындастары ғой. Кейіннен, қайын ағам «өміріңді қор қылма, балаң өзіңді табады» деп кеңес айтты. Бірақ, оның өзгемен кездесіп жүргенін білсем де, баламды қимай үш жыл бірге тұрдым», – деп мұңын шақты азамат.

Ең сорақысы, анасының басқамен көңіл қосқанын ес кірген баласы да көзімен көрген.

«Ұлым “Әке, анама бір аға келеді. Мені далаға ойнауға шығарып тастайды. Мен сенімен кетейінші”, – деп жылағанда жүрегім ауырып қоя береді. Ақыл таразысына салып, ұлымды жұбататынмын. Ақыры бұл қорлыққа шыдамай ажырасуға бекіндім. Әлі күнге дейін балам менімен тұрғысы келеді. Бірақ, сот оны анасына берді. Сақтаған хабарламаларымды түгел дәлел ретінде ұсынсам да.

Қазір балам психологиялық күйзеліске ұшырап жүр. Не істесем болады? Мамандар қандай кеңес береді? Оны жүріске салынған анасы қалпына келтіре алмайтыны белгілі ғой. Ал, өзім екінші рет үйлендім. Аллаға шүкір, бағыма орай келіншегімнің түсінігі мол. Маған “бала үшін барып тұр” деп рұқсатын берді. Тіпті, “оның еш кінәсі жоқ, өзімыз қолымызға алайық” деп жүр»,- дейді азамат.

Оның айтуынша, қарындасының бұл жүрісінен ағасы да жеріп кеткен. Алғашында қолына алғанмен, ақыры бөлек жіберіпті. Бүгінде, сол баяғы тірлігін қайта жалғастырып жүрген сыңайлы. Сондықтан, кейіпкеріміз өткерген оқиғасы өзгеге сабақ болуын тілейді.

 

Серіктестер жаңалықтары
© «365 Info», 2014–2024 info@365info.kz, +7 (727) 350-61-36
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
Қате байқасаңыз, оны белгілеп Ctrl+Enter басыңыз