Астана әкімдігі қаладағы ірі базар басшыларымен кездесу өткізді деп жазады елорданың ресми сайты.
Кездесуге қаладағы “Алаш”, “Шарын”, “Сапар”, “Әмір” және “Биг Шанхай” базарларының басшылары қатысқан. Әкімдік берген мәліметке сәйкес, тексеру барысында елорда базарлары маңынан 160-тан астам заңсыз құрылыс табылған.
Сондай-ақ, барлық сауда нүктелерінде кассалық аппарат пен тіркеу, тауарды қоймаға сақтау және металл құрылғылары жоқ болып шыққан. Бұған қоса, санитарлық норма мен өрт қауіпсіздігі ережелерінің сақталмағандығы анықталған.
Әкімдік аталған “былықты тез арада жөнге келтіріп”, үш күннің ішінде заңсыз нысандарды сүру талабын қойды. Сонымен бірге, шаһар атқамінерлері автотұрақ орнын контейнерлер мен павильондардан босату қажеттігін айтқан.
“Біз тек бәрі заң шеңберінде әрі қала халқының игілігі үшін жасалса дейміз. Көбі сіздердің базарларыңызға бармайды, себебі сөздің ашығын айтсақ, ол жақ былығып жатыр”,-деді қала билігі.