“Қайраттан аумайды”. Гүлзира Айдарбекова алғаш рет немересін көрсетті
Келінін жұртқа таныстырып, жанкүйерлер армиясын көзайым қылған Гүлзира Айдарбекова енді немересін көрсетті. Ол алғаш рет Қайрат пен Жұлдыздың ұлы Ханның суретін жариялады, деп хабарлайды Stan.kz.
“Балапанымның балапандарын сағынып отырғанымды-ай! Шекерден шыққан мёд дерсің. Тәп-тәтті”, – деп жазды Айдарбекова бөліскен суретінің тұсына.
Естеріңізде болса, Гүлзира Үсенқызы немерелері үшін арнайы жоба дайындап жатқанын айтқан еді. Алайда ол күнді тағатсыздана күтіп жүрген танымал продюсер ақырында шыдамай кеткен көрінеді.
“Керемет жаңалықпен ерекше тосынсый жасаймын дегенмін. Сағынышым ішіме сыяр емес. Ол күн де жақын. Алла күш-қуат берсін, өмір берсін”, – деп түсіндірді Дубайда демалып жатқан Айдарбекова.
“Қайраттың қай баласы? Нұралы ма?” деген сұраққа Гүлзира Үсенқызы:
“Нұралы деген немерем жоқ, бұл – Хан”, – деп жауап берді.
Серіктестер жаңалықтары
© «365 Info», 2014–2024 info@365info.kz, +7 (727) 350-61-36
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
Қате байқасаңыз, оны белгілеп Ctrl+Enter басыңыз