Демократиялық партия атынан 30 америкалық сенатор АҚШ президенті Дональд Трамптың иммиграция жөніндегі соңғы жарлығының күшін жоюға бел шешіп кірісеміз деп мәлімдеді. Олар бұл жарлықты діни алауыздық туғызады деп атады.
Парламенттегі заң шығару комитетінің өкілі, демократиялық фракция жетекшісі Дайан Файнстайн “Ақ үйдің нұсқауы үлттық қауіпсіздікке еш қатысы жоқ. Трамп тек Құрама Штаттарға мұсылмандарды кіргізбеймін деген сайлауалды уәдесін орындау үшін істеп отыр” деді.
Мұның алдындағы Трамп жарлығының күшін соттар тоқтатып тастаған. Жаңа жарлығы да сынға тап болып, оған қарсы шағым-арыздар берілді. Дүйсенбі күні демократтар Трамптың Мексикамен арада салынып жатқан қорғанның құрылысын тоқтатуға ат салысатындарын да жариялады. Яғни құрылысқа бөлінетін қаржыға тосқауыл қоймақшы.