Қазақстанда миллионерлер саны жылдан жылға еселеніп келеді. Мәселен, егер 2015 жылы елімізде бай адамдар саны 6,9 мың болса, 2016 жылы 7,5 мың ауқатты адам тіркелген.
Knight Frank агенттігі келтірген дерекке сүйенек, 2006 жылы 1 млн доллары бар 3,4 мың адам тіркелген, ал 10 жылдан соң, Қазақстандағы бай адам саны 6,7 мыңға жеткен. Демек, 2026 жылы еліміздегі ауқаттылар саны 10,7 мыңға жуықтауы мүмкін.
Ал мультимиллионерлер, яғни, иелегінде 10 млн доллардан астам ақшасы барлар 2006 жылы небәрі 260 адамды құраса, 2016 жылы 520 мультимиллионер шығыпты бізден. Сарапшылардың болжамына сүйенсек, аса бай адам саны 2026 жылы, шамамен, 370 болады екен.
Ал 2006 жылы 100 млн доллардан артық байлығы бар 15 адам ғана болса, 2016 жылы 29 болыпты. Демек, 2026 жылға қарай олардың саны 46 болмақ.
Сарапшылар қалталы қазақстандықтардың 2016 мен 2026 жылдар аралығында 60 процентке өсетінін, яғни 7,5 мыңнан 11,9 мыңға баратынын болжайды.
Бір қызығы, Қазақстанда байлар көбейе бастағалы ұшақ нарығының саудасы қызыпты. Иә, бұрын қымбат көлік алатындар енді ұшаққа тапсырыс береді екен.
https://kaz.365info.kz/khazakh-khyzy-baskhaga-timej-khajtedi-khazakhstandy-igerip-zhatkhan-sheteldikter-eken-257760
Мысалы, Қазақстанда жеке тұлға 2006 жылы 4 ұшақ сатып алған, ал 2016 жылы 28 ұшақ сатып алыныпты. Ал 2006 жылдан бастап бүгінге дейін сатып алыған ұшақ саны 226-ға жуықтайды.
Жалпы, рейтинг бойынша, Қазақстан ұшақ жиі сатып алатын үш елдің қатарына кіреді.