“Керемет қой!”. Жемқорлардың мүлкі көпбалалы отбасыларға таратылуы мүмкін
ҚР Мемлекеттік қызмет істері және сыбайлас жемқорлыққа қарсы іс-қимыл агенттігі жемқорлардың мал-мүлкін әлеуметтік жағынан аз қамтылғандарға таратып беру мәселесін қарастырып жатыр, -деп xабарлайды ҚазАқпарат тілшісі.
Сыбайлас жемқорлыққа қарсы іс-қимыл бойынша ұлттық бюроның жетекшісі Талғат Татубаевтың айтуынша, бүгінде аталған орган ұрланған ақшаны анықтап қана қоймай, тәркіленген мүлік пен ақшаның айналымын да бақылап келеді.
«Мемлекет меншігіне аударылатын мүлік те бар. Қазіргі кезде біз тағы бір бастаманы көтеріп жатырмыз. Ондай активтерді әлеуметтік жағынан аз қамтылғандарға – балалар үйлері мен көпбалалы отбасыларға таратып беру мәселесі пысықталып жатыр»
– деді Татубаев Астанадағы xалықаралық конференцияда.
Мемлекетке келген шығын 60 млрд теңгеден асты. «Ол ақшаның жартысы қайтарылды. Осы қаржыға 19 мектеп, 100 балабақша немесе 18 ауруxананы салуға болатын еді», – деп атап көрсетті Талғат Татубаев.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе