Қызылордада Қазақстанның еңбек сіңірген қайраткері, композитор Кеңес Дүйсекеевтің “Сыр елі” әнінің таныстырылымы өтті.
Кеңес Дүйсекеев атындағы дәстүрге айналған “Туған жер” атты әншілердің республикалық байқауының гала-концерті өз мәресіне жетіп, жеңімпаздар марапатталды деп хабарлады облыс әкімдігінің баспасөз қызметі.
Айта кету керек, конкурс биыл 6-шы мәрте ұйымдастырылып отыр. Аталмыш шараға арнайы келген сазгер жаңа әнді жерлестеріне таныстырып, туған жерге деген жылы лебізін жеткізді.
«Сыр елі» атты жаңа ән Кеңес Дүйсекеұлының Қызылорда қаласының 200 жылдық мерейтойына арнаған тартуы.
Аймақ басшысы Қ.Көшербаев та сайыс жеңімпаздарын құттықтап, туған жерге ән арнаған композитор Кеңес Дүйсекеевке алғысын білдірді.
Бүгінгі кештің тағы бір жағымды жаңалығы “Туған жер” республикалық байқауы келесі жылдан бастап халықаралық деңгейде ұйымдастырылады деп жоспарлануда. Бұл туралы гала-концерт барысында облыс әкімі Қырымбек Көшербаев мәлімдеді.
Естеріңізге сала кетейік, жерлесіміз, Қазақстанның еңбек сіңірген қайраткері, «Құрмет» орденінің иегері Кеңес Дүйсекеевтің шығармашылығына арналған «Туған жер» республикалық байқауы 2008 ж. бастап екі жыл сайын ұйымдастырылады.