АҚШ билігі Израильдегі елшілігін Тель-Авивтен Иерусалимге көшіру жоспарын “енді ғана” талқылап жатқанын хабарлады. 22 қаңтарда Трамп Израиль премьер-министрі Беньямин Нетаньяхумен телефонмен сөйлескен.
Нетаньяху әңгіме “жақсы ауанда” өткенін хабарлған. Ол Трамптың келесі айда Вашингтонға сапарлап келу ұсынысын қабыл алғанын айтқан.
22 қаңтарда Иерусалим билігі қаланың шығысындағы жаңа қоныстану орындарында 566 үй салуды мақұлдаған. Қала мэрінің орынбасары Мейр Тургеман израиль радиосына үй салу туралы шешім АҚШ-тың бұрынғы президенті Барак Обаманың қызметінен кеткенге дейінгі уақытқа шегерілгенін хабарлаған. Обама басып алынған территорияларда жаңа қоныстар салуды сынаған еді.