– Канеломен өтетін жекпе-жекке дайындығың қалай?
– Әдеттегідей, 100 пайыздық. Бірақ, бұл жолғы дайындық басқаларынан өзгеше. Өйткені, мен Канелоны, Канело мені жақсы біледі. Біз осыдан 4 жылдай уақыт бұрын бірге жаттықтық. Сондықтан, біз қазір жаттығуды өзгеше етіп өткізіп жатырмыз. Менің бапкерім Абель Санчестің өз жоспары бар.
– Өзара спарринг болды ғой?
– Иә, төрт жыл бұрын.
– Қалай екен?
– Өте күшті.
– Құлата алдың ба?
– Жоқ. Бірақ, 16 қыркүйекте құлатамын деп ойлаймын.
– Қалай ойлайсың, бұл кездесу толық 12 раундқа созыла ма?
– Ол жағын айта алмаймын. Бұл бокс. Бұл екеуміз үшін де өте үлкен жекпе-жек. Біз екеуміз де Big Drama Show көрсетуге дайынбыз, мейлі ол нокаут болсын, мейлі толық жекпе-жек болсын.
Еске салайық, Головкин мен Альварес арасындағы кездесу 16 қыркүйекте Лас-Вегас қаласындағы T-Mobile аренасында өтеді.
Дереккөз: sn.kz