Көлігінің есігін ашып қойып, отырған күйі көшеге шаптырған полицияның кім екені анықталды
Көше бойында көлігінің есігін ашқан күйі, одан түспей, отырып-ақ дәрет сындырған полицияға қатысты қызметтік тергеу басталды.
Алматы полициясы интернетке тарап кеткен суреттегі қоғамдық орында дәрет сындырған полицияның кім екенін анықтады деп мәлімдеді Алматы қалалық ішкі істер баспасөз қызметі.
„Алматы қаласының ішкі істер департаменті суреттегі полиция қызметкерінің кім екенін анықтады. Ол – Алматыдағы Түріксіб ауданының полиция қызметкері. Қазір бұл іске қатысты қызметтік тергеу жүріп жатыр. Қоғамдық тәртіпті бұзу және ішкі істер органы атына кір келтіру фактісі нақтылатын болса, онда қолданыстағы заңға сәйкес шаралар қабылданатын болады„ деп хабарлады өкілетті орган.
Онда орта жастағы полиция қызметкерінің көлігінің есігін ашып қойып, отырған күйінде жол бойына „шаптырғаны„ анық көрінеді. Соған қарағанда ол аяғына тік тұра алмайтындай удай мас секілді. Бұл жайт әлеуметтік желіні қолданушылардың ашу-ызасын туғызды, ал кейбірі оны әжуа суреттерге қосып, юморға айналдырды.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе