Италияда бүгін болған жойқын жер сілкінісінен қаза тапқандар жоқ, бірақ зардап шегушілер көп.
Бұл туралы Италияның Азаматтық қорғаныс агенттігінің басшысы Фабрицио Курчо мәлімдеді деп хабарлады Reuters агенттігі.
Курчо жапа шеккен бір адамның халі ауыр екенін айтты. Италияның орталығындағы әртүрлі қалаларда 6,6 балдық жер сілкінісінен ғимараттар қираған. Мысалы, Норча коммунасында қасиетті Бенедикт шіркеуі мен әкімдік ғимараты қираған. Ал Римде метроның жұмысы тоқтатылды.
Еске сала кетелік, Италияда жойқын жер сілкінісі 24-тамызда орын алған, ол кезде 280 адам көз жұмған. Ол кезде Умбрия, Лацио және Марк өңірлері қатты зардап шекті.
27-қазанда табиғи апат тағы қайталанды. Ол кезде 6 балдық жер сілкінісі тіркелді. Ғимараттар қирамағанымен, көп үйдің қабырғалары сөгілген еді.