Ислам Кәрімовтің туысқаны Украинада тығылып жүр екен
Украина Бас прокуратурасы қызметкерінің сөзіне қарағанда, Өзбекстанның Бас прокуратурасы Ислам Кәрімовтің әйелінің немере інісі, 33 жастағы Акбарали Абдуллаевты экстрадициялауды сұраған. Бұл ақпаратты Өзбекстанның Бас прокуратурасы растады.
Өзбекстан Бас прокуратурасының айыптау қорытындысына сәйкес, Акбарали Абдуллаевқа миллиондаған қаржыны қылмыстық жолмен жымқырды, кірісті заңдастырды және шетел валютасын сақтады деген айыптар тағылған. 33 жастағы Акбарали Абдуллаевқа Өзбекстанның Бас прокуратурасы тарапынан халықаралық іздеу жарияланған.
Түрмеде екі жарым жыл отырған Абдуллаев мерзімінен бұрын шартты бостандыққа шыққан. Алайда 2016 жылдың 2 қыркүйегінде Ислам Кәрімов қайтыс болғаннан кейін, ол елден заңсыз қашып кеткен.
Үстіміздегі жылдың 14 қаңтарында Абдуллаев Киев әуежайында тұтқындалған.
Киевтегі Соломенск аудандық сотында Акбарали Абдуллаев пен оның адвокаты Өзбекстан билігі қозғап отырған қылмыстық істің негізсіз екенін айтқан. Абдуллаев қылмысы үшін жазасын өтегенін, өзін Өзбекстанға жібермеуін өтініп, ондағы түрмелерде аяусыз азаптайды деген.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе