Астана қаласының Ішкі істер департаменті «Астаналық-2», «Аниса», «Аниса-2», «Аниса-3», «Көктал-2», «Абат», «Абайға 150 жыл», №23-31 және А.Байтұрсынов көшелерінің қиылысындағы ауданның тұрғын үйлерінен пәтер сатып алмауға кеңес береді, деп хабарлайды BNews.kz.
«Осыған байланысты, «Төленді» ТҮҚК салатын тұрғын үйлерден пәтер сатып алудан бас тартуды сұраймыз. Қылмыстық іс бойынша нақты проецессуалды шешім қабылдағанға дейін «Центр Продаж №1» ЖШС басшылығынан, және Астананың басқа да жылжымайтын мүлік агенттіктерінен «Төленді» ТҮҚК пәтерлерін сатуға қатысты ақыл-кеңес беруге асықпауға кеңес береміз», – дейді полиция бөлімшесі.
Сотқа дейінгі тергеу органы құрылыс салушыға қатысты соңғы процессуалды шешімді қабылдау үшін «Төленді» ТҮҚК-ның әркеттерінен зардап шеккен, сондай-ақ іске қандай да бір қатысы бар ақпаратқа ие азаматтар Астана қаласының Ішкі істер департаментіне төмендегі телефондар бойынша хабарласуды сұрайды: 71-62-13, 71-60-10, 8-702-438-67-67.