Иран мен Иракта жойқын жер сілкінісі болды. Табиғаттың оғаш мінезі салдарынан 129 адам көз жұмды.
Зардап шегушілер мен мерт болғандарға қатысты цифр әлі де өзгеруі мүмкін деп хабарлады ВВС ақпарат қызметі.
7,3 баллдық жер сілкінісінің эпицентрі Ирак Күрдістанындағы Халабджи қаласынан 30 шақырым жерде болған.
Жер сілкінісі Иран мен Ирактан бөлек, Түркия, Израиль, Кувейтте сезілген.
Иран құтқару қызметінің басшысы Пир-Хуссейн Куливандтың сөзінше, ел аумағында жер асты дүмпуінен ең көп зардап шеккен қалалардың бірі – Сарпол-э Захаб шаһары. Бұл қала жер сілкінісі болған аймақтан 15 шақырым жерде орналасқан.