Индонезиялықтар ит пен қабанның төбелесін табыс көзіне айналдырды (видео)
Егер төбет жеңсе, иттің иесі екі мың доллар пайда табады.
Бұл туралы Baq.kz ақпарат агенттігі РИА Новости-ге сілтеме жасап хабарлайды.
Алаңға бір төбет (көбіне – питбультерьер) пен қабанды жіберіп, төбелестіреді. Жарысқа қатысу құны иттің үлкен-кішісіне қарай 15-тен 150 долларға дейін құбылады. Егер төбет қарсыласын жеңсе, оның иесі екі мың доллар алады.
Жергілікті халық үшін мұндай төбелес қылмыс емес, бар болғаны аңшылықтың бір элементі.
«Бұл біздің дәстүріміз бен мәдениетіміздің бір бөлшегіне айналды», – дейді төбелесті ұйымдастырушысы Нур Хади.
Алайда жануарларды қорғаушылар мүлде басқа пікірде.
«Бұл жануарларға қарсы жасалып отырған қылмыс. Үкімет пен коммерциялық емес ұйымдар мұндай жарыстарды тоқтатуы керек», – деп санайды индонезиялық қорғаушы Марисон Гуачино.
Зауыт иесі Агус Бадуд иттер мен қабандардың төбелесі жергілікті тұрғындарға қосымша табыс әкелетінін айтты.
«Мен иттерімнің құнын көтеру үшін осы жарысқа қатысамын», – деп ағынан жарылды Бадуд.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе