Ауыр атлет Илья Ильин ұзақ үнсіздіктен соң алғаш рет Men’sHealth журналына сұхбат беріп, жеке өмірі туралы айтты. Ол жары Наталья Ильинамен ажырасқанын мәлімдеді. Илья мен Натальяның Милана атты қыздары бар.
“Әлі күнге дейін бұл туралы айту маған оңай емес. Жаным әлі ауырады. Бір жылдан аз уақыт бұрын ажырастық, ажырасу туралы құжат жақында келді. 12 жыл бойы бірге болдық, бір-бірімізді сүйдік, қызымыз өсіп келеді. Ауыр сәтте басымызға іс түскенде соңғы сынақты көтере алмадық. Қатты депрессияға түскен адамға шыдау мүмкін емес шығар, мен сондай күйде болдым. Бұрын да келіспеушіліктер болатын, бәрінде де болады ғой, бірақ біз бәрін жеңіп келдік. Соңғы сәтте мүмкін емес болып кетті. Маған қиын болғандығы рас, ал Наталья екі есе қиналды. Мен оны жақсы түсінемін. Қатты ұрсыстық, ол үйіне кетіп қалды, мен бұған шыдай алмай ажырасуға арыз жаздым. Бұл әрекетім қызбалықпен жасалды, бірақ қазір бұны жасау қажет болғандығын түсіндім. Әлі күнге дейін өкпе бар, әзірге сөйлеспейміз, бір-біріміздің әлеуметтік желідегі парақшамызды бақыламаймыз”, – деді Илья Ильин.
“Оған байланысты емес деп айтар едім. Допингсіз де көп жанжалдастық. Бәріне нүкте қою керек деп ойладым. Осылай жалғаса беруіне жол бере алмадым. Наталья – жас, сұлу, болашағы зор. Оның қасында Натальяны түсінетін, оған лайықты еркек болсын. Мен оны еркіне жіберуім керектігін түсіндім, бақытты болғандығын қалаймын. Ал мен болсам, жалғыз, өз-өзіммен, өз өміріммен өмір сүре беремін. Иә, мен қызба еркекпін, күнәм да аз емес. Бірақ болған нәрсені қайтару мүмкін емес”, – деді Илья Ильин.
Арадағы қалған кішкентай қызымен де ара-қатынасын үбеген екен.
“Миланканы мектепке апарамын, күнде серуендейміз. Ол негізінен менің ата-анаммен бірге тұрады. Менің анам да Натальямен жақсы араласады, мен сонысына қуанамын. Қызым мені жақсы көреді, үнемі жанымда. Уақытты бірге өткіземіз. Керемет әкемін деп айта алмасам да, ол үшін қолымнан келгеннің бәрін жасап жатырмын. Милана – қиын кезде мені алға сүйрейтін күш. Оның болашағы үшін жауаптымын”, – дейді ауыр атлет.
Сұхбаттың толық нұсқасын мына жерден оқи аласыз.