Дональд Трамп Fox News телеарнасына берген сұхбатында “Черногорияға байланысты үшінші дүниежүзілік соғыс басталуы мүмкін, ал черногориялықтар мықты, агрессивті” халық деп атады.
Бұл туралы REUTERS агенттігіне сітлеме жасап, РИА Новости хабарлады.
АҚШ Мемлекеттік департаментінің ресми өкілі Хезер Науэрт бүгінге дейін Черногориядан телефон соғып, АҚШ президенті Дональд Трамптың мәлімдемесіне наразылық білдіргендер жоқтығын хабарлады.
“Менің білуімше, бізге әлі телефон қоңырауы келіп түспеді”, – деді ол. Сонымен қатар, ол АҚШ-тың альянс ұстанымына сәйкес, Черногорияны НАТО мүшелері секілді қорғайтынын айтты.
Айта кетелік, Черногория 2017 жылы шілдеде ресми түрде НАТО-ның мүшелігіне қабылданды. Бұрынғы Югославияның бір бөлігі бұған қатты наразылық білдіріп, көшеге шықты. Арты үлкен саяси жанжалға ұласты. Бұның артында Ресей тұр десті. Тіпті, Черногория прокуроры Сербия мен Ресей азаматтарынан тұратын бір топ адам елдің үкімет басы Мило Жукановичті өлтіріп, мемлекеттік төңкеріс жасамақ болды деп айыптады. Бірақ Кремль „Черногория сынды тәуелсіз елдің ішкі мәселесіне біз араласа алмаймыз, оған құқығымыз жоқ„ деп бұл айыпты жоққа шығарған болатын.